عـــــــــــــــــــــمان ارض الخير

alboraq الأربعاء يونيو 09, 2010 10:05 am

[color=indigo]

حبيت انقل لكم هذي القصيدة الاكثر من رائعه

للشاعر الاماراتي الكبي محمد بالمر بالعبد

هذي القصيده بعنوان : عمان الخير

اذا اهــتــزت الارض وربت عقـب قطر الغوش
....................نسى غصنها الاخضر عطشها وهي قفرا
وحن مثل الارض ان ما سقى الله ثرانا عطوش
.................عسى الله يبارك في ثرى اغصانها الخضرا
يــعـــل الجبـل الاخضر يدوم اخضر ومفروش
......................بما قدر الله من سحاب الغبش واسرى
بما قـــدر الله من سحـــاب لفاهــــا غبــوش
..........................يجر السيول بكل وادي وله مجرى
لفى لجل وجه الله مهو بلجل وجه قـروش
.......................وصادفته وجيت احمل الود والبشرى
انـا جيــت ابا غضي على حبكم برموش
........................ثرى العين تكتب حبكم والغلا يقرا
هناك الف اية عشق عندي تسوق طروش
......................وجتني عمان وساقت اياتها الكبرى
تـقــول اسمهـا بامجاد اهلها غدا منقوش
....................على التاج والسيفين والخنجر الحمرا
واقول الله اكبــر على الشاعر الا ينوش
........................من اطرافها ويغنم اوصافها تترا
يطوش المعاني من مكارم بحرها طوش
...................ويصوغ القوافي قلادة لارضها العذرا
بـــلاد تـــلاقي كل زائر بوجه بشوش
...................على مودها يسرا وعلى ضدها عسرا
متى احتار فيها العاقل وردته مدهوش
..................وقف تحتها التاريخ يسترجع الذكرى
وقف فوقها السلطان في شامخات عروش
.................يقود السحب من طيب يمناه واليسرى
ولو في زمن قيصر وكسرى لفى بجيوش
..............خضع قيصر لقابوس وانصاع له كسرى
اذا فـــز فــزت لجل عينه حرار وحوش
.......واذا ارمى الهدف صابه واذا اكرم جزل واثرى
واذا اهتزت الارض وربت عقب قطر الغوش
...........طرت لي عمان الخير واغصانها الخضرا

[/color]